अंकलेश्वर महामार्गावर ट्रक धडकल्या ; एक जण गंभीर जखमी

रावेर:- दोन ट्रकची समोरा-समोर धडक होवून झालेल्या अपघाता एक जण गंभीर जखमी झाल्याची घटना काल 19 रात्री बर्‍हाणपूर-अंकलेश्वर राज्य महामार्गावर घडली. याबाबत रावेर पोलीस ठाण्यात अपघाताची नोंद करण्यात आली. या अपघातात ट्रकचे मोठे नुकसान झाले. रावेर-बहाणपूर रोडवर व्ही.एस.नाईक महाविद्यालयासमोर सोमवारी रात्री पावणे अकराचे सुमारास ट्रक (एम.एच.19 एन.7120) या भरधाव ट्रकने ट्रक (.जी.जे.17- वाय. 9527) ला समोरून जोरदार धडक दिली.

या अपघातात शब्बीर इब्राहिम बोहरा (38) हे गंभीर जखमी झाले. अपघातानंतर (एम.एच.19 एन.7120) वरील चालक पसार झाला. या अपघातात या ट्रकचे मोठे नुकसान झाले आहे. याबाबत शब्बीर बोहरा यांनी दिलेल्या फिर्यादीवरून रावेर पोलीस ठाण्यात ट्रक चालकाविरूद्ध गुन्हा दाखल करण्यात आला आहे.