अप-डाऊन हुतात्मा एक्स्प्रेस 9 रोजी दौंडमार्गे धावणार

भुसावळ- मध्य रेल्वेच्या मुंबई विभागात तांत्रिक ब्लॉक तसेच नॉन इंटर लॉकिंगच्या कामामुळे 9 जून रोजी विशेष ट्रॅफिक ब्लॉक घेण्यात येणार असून 9 जून रोजी अप-डाऊन हुतात्मा एक्स्प्रेस मनमाड-दौंडमार्गे पुण्यापर्यंत धावणार आहे. गाडी क्रमांक 11025 अप भुसावळ-पुणे हुतात्मा एक्सप्रेस तसेच डाऊन 11026 डाऊन पुणे-भुसावळ हुतात्मा एक्स्प्रेस 9 जून रोजी कल्याणऐवजी मनमाड, दौंडमार्गे पुण्यापर्यंत धावणार आहे. रेल्वे प्रवाशांनी बदलाची नोंद घ्यावी, असे आवाहन रेल्वे प्रशासनाने केले आहे.