अभियांत्रिकीच्या विद्यार्थिनीची आत्महत्या

चिंचवड :- अभियांत्रिकीच्या पहिल्या वर्षात शिकणाऱ्या विद्यार्थिनीने राहत्या घरी ओढणीच्या साहाय्याने छताच्या पंख्याला गळफास घेऊन आत्महत्या केली. ही घटना आज (बुधवारी) पहाटेच्या सुमारास चिंचवड येथे घडली.

श्रुतिका एकनाथ कळंबकर (वय 20, रा. शिवतेज नगर, चिंचवड) असे आत्महत्या केलेल्या विद्यार्थिनीचे नाव आहे. हा प्रकार सकाळी सातच्या सुमारास घरच्यांच्या निदर्शनास आला. श्रुतिका चिंचवडमधील एका खाजगी महाविद्यालयात अभियांत्रिकीच्या पहिल्या वर्षात शिकत असल्याची माहिती आहे. आत्महत्येचे नमके कारण अद्याप समजू शकले नसून निगडी पोलीस तपास करीत आहेत.