अमेरिकेसहीत इतरांसाठी भारत ठरला ‘देवदूत’
नवी दिल्ली – सुमारेेे १३० कोटी लोकसंख्या असलेल्या भारताने लॉकडाऊनसारखे कठोर उपाय लागू करत इतर देशांच्या तुलनेत करोनावर बर्‍यापैंकी नियंत्रण मिळवले आहे. भारतात मलेरियावरील उपचारासाठी उपयोगी ठरणारे ‘हायड्रॉक्सीक्लोरोक्वीन’ कोरोना बाधितांवर देखील परिणामकारक ठरत आहे. यामुळे मानवतेच्या द‍ृष्टीकोनातून भारताने आपल्या नागरिकांसोबतच महासत्त्ता म्हणून मिरवून घेणार्‍या अमेरिकासह युरोप व आशियामधील इतर देशांसाठी आपल्या औषधांचे भांडार खुले केले आहे. भारताने ‘हायड्रॉक्सीक्लोरोक्वीन’चा पुरवठा करण्यासाठी या काळात गरजेनुसार १३ देशांची एक यादी बनवली आहे. यानुसार, अमेरिकेनने ४८ लाख टॅबलेटची मागणी केली होती. परंतु, या देशाला सध्या ३५.८२ लाख टॅबलेट दिल्या जातील. जर्मनीला ५० लाख ‘हायड्रॉक्सीक्लोरोक्वीन’ टॅबलेट पाठवण्यात येतील. भारताचा शेजारी आणि सार्क सहकारी बांग्लादेशला २० लाख ‘हायड्रॉक्सीक्लोरोक्वीन’ टॅबलेटचा पुरवठा केला जाईल. नेपाळला १० लाख टॅबलेट, भूतानला २ लाख टॅबलेट, श्रीलंकेला १० लाख टॅबलेट, अफगाणिस्तानला ५ लाख तर मालदीवला २ लाख ‘हायड्रॉक्सीक्लोरोक्वीन’ टॅबलेटचा पुरवठा करण्याचा निर्णय भारताने घेतला आहे.
तसेच भारत अमेरिका, ब्राझील आणि जर्मनीला ‘ऍक्टिव्ह फार्मास्युटिकल इंग्रिडेंटस’ पाठवणार आहे. याचा उपयोग औषधे बनवण्यासाठी केला जातो. अमेरिकेला आत्तापर्यंत ९ मेट्रिक टन पाठवण्यात आले आहे. तर जर्मनीला पहिला टप्प्यात १.५ मेट्रिक टन पाठवण्यात आले आहे. तर ब्राझीलला पहिल्या टप्प्यातील ०.५० मेट्रिक टन कच्चा माल लवकरच पाठवण्यात येणार आहे.