अर्धनग्न अवस्थेत मंचावर येत युवकाने शरद पवारांना दिले निवेदन

निफाड येथील सभेतील प्रकार; भाजप सरकार जाईल तेंव्हाच शर्ट घालण्याचा युवकाची भूमिका

नाशिक: आज नाशिक जिल्ह्यातील दिंडोरी लोकसभा मतदारसंघाचे महाआघाडीचे उमेदवार धनंजय महाले यांच्या प्रचारासाठी निफाड येथे राष्ट्रवादी काँग्रेसचे अध्यक्ष शरद पवार यांची सभा घेतली. या सभेमध्ये एक तरुण अर्धनग्न होऊन व्यासपीठावर आला आणि शरद पवारांना निवेदन दिले. काही दिवसांपूर्वी जमिनीच्या प्रश्नावर तरुणाने आंदोलन केले होते, हे आंदोलन दडपशाही पद्धतीने मोडीत काढण्याचा भाजपा सरकारकडून झाल्याचे आरोप तरुणाने केला आहे. कृष्णा डोंगरे असे या युवकाचे नाव आहे. हे सरकार बदलणार नाही तोपर्यंट शर्ट घालणार नाही अशी भूमिका या तरुणाने घेतली आहे. यावेळी राष्ट्रवादी काँग्रेसचे प्रदेशाध्यक्ष जयंत पाटील यांनी या तरुणाला आधार देत घाबरू नको, आपल्या मागण्या लवकरच मान्य होतील, 26 मे नंतर मी आपल्याला शर्ट पाठवून देईल असे आश्वासन दिले.

नाशिकमध्ये पंतप्रधान नरेंद्र मोदी यांनी दोन दिवसांपूर्वी सभा घेतली. कांद्याबाबत काय बोलले नाहीत. शेतकऱ्यांबाबत काय उल्लेख केला नाही. कारण शेतकऱ्यांना न्याय देण्याची या नेतृत्वाची ती भूमिका नाही असा आरोप यावेळी शरद पवार यांनी केला. नरेंद्र मोदी सभा घेण्यापूर्वी तेथील शेतकऱ्यांना अटक करतात आणि मगच त्याठिकाणी पाऊल ठेवतात, शेतकऱ्यांना इतके घाबरणारा पंतप्रधान देश प्रथमच पाहतोय. आमच्या कृष्णा डोंगरे या शेतकऱ्याने शरद पवारांसमोर जी कैफियत मांडली. या भाजपा सरकारला हद्दपार केल्याशिवाय जनता शांत बसणार नाही असा इशारा राष्ट्रवादी काँग्रेसचे प्रदेशाध्यक्ष जयंत पाटील यांनी सरकारला दिला. आगामी लोकसभा निवडणुकीत सात टप्प्यात मतदान होत असून तीन टप्प्यातलं मतदान पूर्ण झालं आहे. महाराष्ट्रात एकूण 4 टप्प्यात मतदान पार पडतंय. यामध्ये तीन टप्प्यातील मतदान पार पडलं असून अंतिम चौथा टप्प्यातील मतदान 29 एप्रिल रोजी होणार आहे. तर 23 मे रोजी लोकसभा निवडणुकींचा निकाल लागणार आहे.