आंतरराष्ट्रीय जाहिरात कंपनीत काम करणाऱ्या विवाहतेची आत्महत्या

मुंबई : सांताक्रूझमध्ये जाहिरात क्षेत्रात काम करणाऱ्या ३० वर्षांच्या विवाहतेने आत्महत्या केल्याची घटना घडली आहे. भूमिका सिंह असे तिचे नाव आहे. तिच्या आत्महत्येचे कारण अद्याप समजू शकलेले नाही.

सांताक्रूझमधील वाकोला येथे भूमिका सिंह राहायची. भूमिका सिंह ही एका आंतरराष्ट्रीय जाहिरात कंपनीच्या मुंबई कार्यालयात कामाला होती. दोन दिवसांपूर्वी भूमिकाने राहत्या घरी गळफास घेत आत्महत्या केली. भूमिकाचा पती विनय सिंह हे घरी परत आल्यानंतर त्यांना पत्नीने गळफास घेतल्याचे निदर्शनास आले. त्यांनी तातडीने या घटनेची माहिती पोलिसांना दिली. भूमिका सिंहने टोकाचे पाऊल का उचलले, हे अद्याप अस्पष्ट असून या प्रकरणी पोलीस अधिक तपास करत आहेत.