आमिर म्हणतोय, ‘मला राजकारणात रस नाही’

मुंबई: बॉलिवूडचा मिस्टर परफेक्शनिस्ट आमिर खान कायम त्याच्या विशिष्ट चित्रपटांसाठी ओळखला जातो. आमिर बॉलिवूडप्रमाणेच समाजकार्यातही सक्रिय असल्याचं पाहायला मिळतं. राजकारणाविषयी त्याने नुकत्याच झालेल्या एका मुलाखतीमध्ये त्याच मत मांडलं आहे.

‘मला समाजकार्य करायला आवडतं त्यामुळे मी समाजकार्यात स्वत:ला वाहून घेतलं आहे. हे काम करत असताना माझ्या राजकीय नेत्यांबरोबर भेटीगाठी होत असतात. त्यामुळे या भेटीमागे मला राजकारणात प्रवेश करायचा आहे, असा अर्थ होत नाही. मला राजकारणात कधीच प्रवेश करायचा नाहीये, मी एक समाजसेवक आहे’, असं आमिर म्हणाला.

दरम्यान, आमिर सध्या त्याच्या आगामी ‘ठग्स ऑफ हिंदुस्थान’ या चित्रपटाच्या चित्रीकरणामध्ये व्यस्त आहे.