ईदला जम्मू-काश्मीर अशांत: पाकिस्तान आणि आयसिसचे झेंडे फडकले

श्रीनगर-देशभरात बकरी ईद उत्साहात साजरा केली जात असताना दुसरीकडे जम्मू-काश्मीरमधील श्रीनगरमध्ये आंदोलकांकडून सुरक्षा दलावर दगडफेक करण्यात येत आहे. दरम्यान पाकिस्तान आणि आयसिसचे झेंडे फडकविण्यात आल्याचे देखील दिसून आले. जमावामध्ये युवकांचा मोठ्या प्रमाणात समावेश आहे. हे युवक सुरक्षा दलावर दगडफेक करत आहेत. जमावाला पांगवण्याचा सुरक्षा दलाकडून प्रयत्न सुरू आहे.

बुधवारी सकाळी श्रीनगर येथे अनेक ठिकाणी बकरी ईदसाठी नमाज पठण केले गेले. त्याचवेळी काही आंदोलक येथे जमा झाले आणि त्यांनी बंदोबस्तासाठी असलेल्या सुरक्षा दलावर दगडफेक करण्यास सुरूवात केली. त्यावेळी काही हुल्लडबाज युवकांनी आपल्या हातात आयसिस आणि पाकिस्तानचे झेंड घेतले होते. ते सुरक्षा दलाला दाखवत त्यांना चिथावणी देण्याचा प्रयत्न केला.

कुलगाम येथील झाजरीपुरा येथे ईदगाहच्या बाहेर दहशतवाद्यांनी एका पोलिसावर गोळीबार करण्यात आल्याचेही बोलले जात आहे.