उर्मिला मातोंडकर यांच्यासमोर भाजप कार्यकर्त्यांचे अश्लील नृत्य !

मुंबई : लोकसभा निवडणुकीच्या रणधुमाळीत राजकीय नेतेमंडळी बेछूट आरोप करतांना दिसत आहे. अनेकदा पातळी खालवत चालल्याचे देखील दिसून येते. दरम्यान काँग्रेसच्या उत्तर मुंबई लोकसभा मतदारसंघाच्या उमेदवार अभिनेत्री उर्मिला मातोंडकर यांच्या समोर भाजपाच्या कार्यकर्त्यांअश्लील नृत्य केल्याचा प्रकार घडला. आज सकाळी बोरिवलीमध्ये हा घाणेरडा प्रकार घडला. बोरिवली रेल्वे स्थानकाजवळ काँग्रेसच्या उमेदवार उर्मिला मातोंडकर या प्रचार करत होत्या. यावेळी भाजपाच्या काही कार्यकर्त्यांनी हुल्लडबाजी केली. तसेच त्यांना अश्लील नृत्य करून दाखवत ‘मोदी मोदी’च्या घोषणा दिल्या. यामुळे तेथील काँग्रेस कार्यकर्ते आणि भाजपाच्या कार्यकर्त्यांमध्ये हाणामारी झाल्याचेही बोलले जात आहे.

उर्मिला मातोंडकर या रेल्वे स्थानक आवारात प्रचार करत होत्या. यावेळी अचानक 8 ते 10 जण त्याठिकाणी आले. त्यांच्या गळ्यामध्ये भाजपचा पट्टा होता. त्यांनी उर्मिला यांच्यासमोरच अश्लील नृत्य केले. तेव्हा काँग्रेसच्या कार्यकर्त्यांनी त्याला दूर लोटण्याचा प्रयत्न केला. या झटापटीत एक पॅसेंजर महिला खाली पडून किरकोळ जखमी झाली. यानंतर बोरिवली पोलिसांनी घटनास्थळी दाखल होत परिस्थिती नियंत्रणात आणली.