उशिरापर्यंत डिजे वाजविणार्‍यांविरूध्द गुन्हा
जळगाव । शिवजयंती उत्सवात गेंदालाल मील परिसरात डिजे वाजविणार्‍या मंडळाच्या कार्यकर्त्यांवर रविवारी रात्री 11.45 वाजेच्या सुमारास शहर पोलिस ठाण्यात गुन्हा दाखल करण्यात आला आहे. तसेच डिजेही जप्त केला आहे.
शिवजयंती उत्सवात गेंदालाल मील परिसरातील छत्रपती उत्सव समितीतर्फे रविवारी मिरवणूक काढण्यात आली होती. त्यावेळी मिरवणुकीत डिजे लावण्यात आलेला होता. रात्री उशिरापर्यंत डिजे सुरू होता. या प्रकरणी शहर पोलिस ठाण्यात नागरीकांनी तक्रार केल्यानंतर पोलिस कर्मचार्‍यांनी डिजेचे स्पिकर ठेवलेली ट्रक (क्र. एमएच-03-एन-6534) जप्त केली. तसेच पोलिस हवालदार भालचंद्र देसले यांनी दिलेल्या फिर्यादीवरून मंडळाचे मोहन केळकर, शहाजी खोंज, रमेश चव्हाण, विजय पाटील, कमलेश जयस्वाल, कुणाल हटकर, दीपक सोनवणे, सुरेश सोनवणे (सर्व रा. गेंदालालमील) तसेच डिजेचा मालक योगेश राजकुमार गवळी (रा. इंद्रप्रस्थनगर) आणि डिजे ऑपरेटर अजय अशोक कोळी यांच्या विरोधात शहर पोलिस ठाण्यात गुन्हा दाखल करण्यात आला आहे.