एमआयडीसीत समाजकंटकांकडून उभ्या 16 ट्रकांची तोडफोड

पोलिसात गुन्हा दाखल ; अयोध्यानगरातील तरुणासह तीन अल्पवयीन संशयित ताब्यात

जळगाव – औद्योगिक वसाहतीतील सिंग ट्रान्सपोर्ट आणि रोहित रोडवेअर कंपनींच्या 14 ट्रका आणि जळगावातील अस्लम खान आणि अफसर खान यांच्या मालकीच्या दोन ट्रान्सपोर्ट करणारी ट्रेलर अशा एकून 16 गाड्या एमआयडीसीतील ढोर बाजार जवळ जगवानी नगर येथे उभ्या केलेल्या होत्या. दरम्यान रात्री 11.30 वाजेच्या सुमारास अज्ञात 6 ते 7 समाजकंटकांनी ट्रकांवर दगडफेक करून काचा फोडल्या. अज्ञातांना ट्रक चालक मोहम्मद हारून मगर खॉ यांनी हटकले असता त्यातील एकाने त्यांच्यावरही दगड फिरकावला. यात चालक मोहम्मद हारून हे जखमी झाले.

ट्रकांच्या काचा फुटून 50 हजारांचे नुकसान
ट्रक क्रमांक (एचआर 38 एस 3741), (एचआर 38 एस 6606), एमएच 40 एन 7707, एमएच 36 एफ 1440, एमएच 30 एबी 699, एमएच 40 वाय 8725, एनएल 02 क्यू 0179, (एचआर 38 एस 0455), एनएल 01 एडी 680, एमएच 19 झेड 1776, एचआर 38 एस 9798, (एचआर 38 वाय 5156), यूपी 78 बीटी 2251, यूपी 78 बीटी 2711, एमएच 31 सीक्यू 5826 या गाड्यांचे नुकसान झाले आहे. राजीव कुमार राजेंद्र प्रसाद यांच्या तक्रारीवरुन एमआयडीसी पोलिसात अदखलपात्र गुन्ह्याची नोंद करण्यात आली असून सर्व ट्रकांचे एकत्रित 50 हजारांचे नुकसान झाल्याचे तक्रारीत म्हटले आहे.

तरुणासह तीन अल्पवयीन संशयित ताब्यात
रात्री 11 वाजता अज्ञातांना दगडफेक केली त्यावेळी एका ट्रक चालकाशी हातापाई झाली होती. दगडफेक झाल्यानंतर त्यानी घटनास्थळाहून पळ काढला. रात्री झालेला प्रकार चालकांनी एमआयडीसी पोलिसात जावून घटनाक्रम सांगितला. पोलिसांनी अमोल श्रीराम सुर्यवंशी रा. अयोध्यानगर याच्यासह तीन अल्पवयीन संशयितांना ताब्यात घेतले आहे. त्यांच्यावर प्रतिबंधात्मक कारवाई करण्यात येणार असल्याची माहिती सूत्रांकडून मिळाली आहे.