एसटीला अपघात, वृद्धेचा मृत्यू

ठाणे । बोरीवलीहून ठाण्याला येणा-या एसटी महामंडळाच्या बसला घोडबंदर रोडवर तत्वज्ञान विद्यापीठाजवळ रविवारी अपघात झाला. अपघातात एका वृ्द्ध महिलेचा मृत्यू झाला आहे. डोटेरी फ्रान्सीस निस्किता (73) असे या महिलेचे नाव असून त्या भाईंदर पश्‍चिमेतील हनुमान नगरच्या रहिवाशी आहेत. या अपघातात गंभीर जखमी झालेल्या निस्किता यांचा जागीच मृत्यू झाला. रविवारी सकाळी साडेसहाच्या सुमारास हा अपघात झाला. पोलिसांची चौकशी सुरू ठाणे पालिकेच्या आपात्कालीन नियंत्रण विभागाने ही माहिती दिली. या अपघातात निस्किता यांच्या डोके आणि पायाला गंभीर दुखापत झाली होती. त्यांना रूग्णालयात उपचारापूर्वी नेतानाच त्यांचा मृत्यू झाल्याचे कळले.

अपघाताची माहिती मिळताच शहर पोलिस, वाहतूक पोलीस आणि पालिकेच्या आपात्कालीन नियंत्रण विभागाच्या पथकाने घटनास्थळी धाव घेतली. हा अपघात नेमका कसा घडला याची चौकशी पोलीस करत आहेत.