एसटी बसेसची समोरासमोर टक्कर

नंदुरबार। नंदुरबार निजामपूर रस्त्यावर अपघाताची मालिका सुरूच असून दोन एसटी बसेसची समोरासमोर टक्कर होऊन अपघात झाला.या अपघातात वाहकासह 30 हुन अधिक प्रवासी जखमी झाले आहेत. तालुक्यातील ठाणेपड नर्सरी जवळ हा अपघात झाला.

ठाणेपड नर्सरीजवळ झाला अपघात
दि.3 जुलै रोजी देखील याच जागेवर एसटीचा अपघात झाला, ही घटना ताजी असतानाच मंगळवारी पुन्हा दोन एसटी बसमध्ये सामोरासमोर टक्कर झाली. यात वाहकासह 30 हुन अधिक प्रवासी जखमी झाले आहेत. या जखमींवर जिल्हा रुग्णालयात उपचार सूर आहेत या अपघातात एसटी बसचे मोठे नुकसान झाले आहे.नाशिकहुन नंदुरबारकडे येणार्‍या व नंदुरबारहुन साक्रीकडे जाणार्‍या एसटी बसचा हा अपघात झाला आहे.