ऐनपूरला अल्पवयीन तरुणीची गळफास घेवून आत्महत्या

रावेर- तालुक्यातील ऐनपूर येथील 14 वर्षीय अल्पवयीन तरुणीने गळफास घेवून आत्महत्या केल्याची घटना शुक्रवारी सायंकाळी उघडकीस आली. श्रद्धा दीपक लोहार (14) असे मृत तरुणीचे नाव आहे. याबाबत रावेर पोलिसात अकस्मात मृत्यूची नोंद केल्यानंतर ती निंभोरा पोलिसांकडे वर्ग करण्यात आली. श्रद्धा लोहार या तरुणीने राहत्या घरात ओढणीच्या सहाय्याने गळफास घेतली. शुक्रवारी सायंकाळी सात वाजेच्या सुमारास ही घटना उघडकीस आली. रावेवेर शहरातील श्रीपाद हॉस्पिटलमध्ये आणल्यावर डॉ .योगेश पाटील यांनी तिला मृत घोषित केले. मृतदेह ग्रामीण रुग्णालयात आणण्यात आला असता रावेर पोलिस स्टेशनचे सहा.पोलिस निरीक्षक शिवाजी पाळदे, पोलीस उपनिरीक्षक अमृत पाटील, चंद्रकांत शिंदे, मनोज भास्के यांनी रावेर ग्रामीण रुग्णालयात पंचनामा करीत पोलिसात अकस्मात मृत्यूची नोंद केली.