ऑस्ट्रेलियाच्या सर्वोत्तम संघात तिघे भारतीय

सिडनी । क्रिकेट ऑस्ट्रेलियाने 2017 सालातील सर्वोत्तम एकदिवसीय संघाची घोषणा केली आहे. आश्‍चर्याची गोष्ट म्हणजे ऑस्ट्रेलियाच्या कोणत्याही खेळाडूला यामध्ये स्थान मिळालेले नाही. क्रिकेट ऑस्ट्रेलियाने या सर्वोत्तम एकदिवसीय संघामध्ये आफ्रिकेच्या दोन आणि इंग्लंडच्या तिघा खेळाडूंना स्थान दिले आहे. पाकिस्तान, न्यूझीलंड आणि अफगाणिस्तानच्या प्रत्येकी एका खेळाडूला या संघात स्थान मिळाले आहे. भारतीय क्रिकेट संघातील रोहित शर्मा, विराट कोहली आणि हार्दिक पंड्याचा या संघात समावेश करण्यात आला आहे.

विराट कोहलीला केले कर्णधार
विराट कोहलीला संघाचा कर्णधार बनवण्यात आला आहे. कोहलीने 2017 मध्ये 26 पैकी 19 सामन्यांमध्ये विजय मिळवला होता. रोहित शर्मा आणि क्विंटन डी. कॉकला सलामीवीर म्हणून निवडण्यात आले आहे. रोहित शर्मा 2017 मध्ये सर्वाधिक एकदिवसीय धावा करणारा दुसरा खेळाडू आहे. त्याने सहा शतके आणि पाच अर्धशतकांसह 1293 धावा केल्या. दक्षिण आफ्रिकेचा डी कॉक 2017 मध्ये सर्वाधिक बळी घेणारा गोलंदाज ठरला. डी कॉकने 53.11 च्या सरासरीने 956 धावा केल्या आहेत.