कत्तलीसाठी घेवून जाणार्‍या गाय, वासरुची सुटका
तिघांना अटक; पिंपरी पोलीसात गुन्हा दाखल
पिंपरी : टेम्पोमधून कत्तल करण्यासाठी जनावरे वाहून नेणार्‍या तिघांना पिंपरी पोलीसांनी अटक केली. ही कारवाई बुधवारी (दि. 5) सायंकाळी सहाच्या सुमारास पिंपरी पुलावर करण्यात आली. मंगेश मछिंद्र नढे (वय 24, रा. नढे नगर, काळेवाडी) यांनी याप्रकरणी पिंपरी पोलीस ठाण्यात फिर्याद दिली. त्यानुसार अकबर शेरमहमद खान (वय 34, रा. शांती कॉलनी, विजय नगर, काळेवाडी), बाबू उर्फ गुलाम उर्फ जिलानी मोहम्मद हुसेन कुरेशी (वय 18), अतुल प्रकाश भोटे (वय 26) यांच्या विरोधात गुन्हा दाखल करण्यात आला आहे.
हे देखील वाचा
3 लाख 20 हजाराचा ऐवज जप्त…
पिंपरी पोलीसांनी दिलेल्या माहितीनुसार, तिन्ही आरोपी एका (एम. एच. 11 / सी. एच. 0818) टेम्पोमधून एक गाय आणि एक वासरू कत्तल करण्यासाठी बेकायदेशीररीत्या घेऊन जात होते. पिंपरी पुलावर पोलिसांनी टेम्पो चालकाला टेम्पोमधील जनावरांच्या खरेदी विक्रीच्या पावत्यांबाबत विचारले असता त्याच्याकडे याबाबत माहिती नसल्याचे सांगितले. यावरून पोलीसांनी 20 हजार रुपये किमतीची जनावरे आणि तीन लाख रुपये किमतीचा टेम्पो असा एकूण 3 लाख 20 हजार रुपयांचा ऐवज जप्त केला. आरोपींवर महाराष्ट्र प्राणी रक्षण अधिनियमान्वये गुन्हा दाखल करण्यात आला आहे. पिंपरी पोलीस तपास करीत आहेत.