काँग्रेसच्या सोशल मीडिया प्रमुखाकडून मोदींबाबत आक्षेपार्ह ट्वीट
नवी दिल्ली- काल गुजरातमध्ये सरदार वल्लभभाई पटेल यांचा ‘स्टॅच्यू ऑफ युनिटी’हा भव्य पुतळ्याचे लोकार्पण करण्यात आले. दरम्यान काँग्रेसच्या सोशल मीडिया प्रमुख दिव्या स्पंदन-रम्या यांनी या कार्यक्रमातील पंतप्रधान नरेंद्र मोदी यांचा एक फोटो ट्विट करत शेअर केला आहे. यामध्ये मोदी पटेलांच्या पुतळ्याच्या पायाजवळ उभे आहेत. या फोटोखाली रम्या यांनी ‘ही पक्षाची विष्ठा आहे का?’असे आक्षेपार्ह कॅप्शन दिले आहे. रम्या यांनी ट्विटमध्ये म्हटले आहे. या ट्विटवर वाचकांच्या एकामागून एक प्रतिक्रीयाही यायला लागल्या आहेत.
Is that bird dropping? pic.twitter.com/63xPuvfvW3
— Divya Spandana/Ramya (@divyaspandana) November 1, 2018
या भव्य पुतळ्याच्या पायाशी उभे असलेले मोदी हे एखाद्या ठिपक्यासारखे दिसत आहेत. यावरच रम्याने टीकात्मक स्वरुपात भाष्य केले आहे. टीका करण्याच्या नादात त्यांनी आक्षेपार्ह विधान केल्याने सोशल मीडियावर त्यांना चांगलेच ट्रोल व्हावे लागले आहे.
स्वतंत्र भारताचे पहिले उपपंतप्रधान आणि गृहमंत्री सरदार वल्लभभाई पटेल यांच्या (३१ ऑक्टोबर) जन्मदिनी पंतप्रधान मोदींनी जगातील सर्वात उंच (१८२ मीटर) ‘स्टॅच्यू ऑफ युनिटी’ या त्यांच्या भव्य पुतळ्याचे लोकार्पण केले.