कांडवेलच्या नवविवाहितेची आत्महत्या

रावेर- तालुक्यातील कांडवेल येथील 23 वर्षीय नवविवाहितेने गळफास घेत आत्महत्या केल्याने गावात खळबळ उडाली आहे. माधुरी नंदलाल कोळी (23, जि.प.शाळेजवळ, कांडवेल) असे मयत विवाहितेचे नाव आहे. या विवाहितेने आत्महत्या का केली? याचे कारण कळू शकले नाही. 27 रोजी दुपारी चार वाजेपूर्वी राहत्या घरातील लोखंडी अँगलला या विवाहितेने गळफास घेतला. निंभोरा पोलिसात याबाबत पोलिस पाटील विठ्ठल किसन वाघ (कांडवेल) यांनी खबर दिल्यावरून अकस्मात मृत्यूची नोंद करण्यात आली. तपास उपनिरीक्षक चंद्रकांत पोसे करीत आहेत.