कारच्या धडकेत दुचाकीस्वार तरूणाचा मृत्यू

चाळीसगाव आडगाव रस्त्यावरील घटना
चाळीसगाव – भरधाव वेगाने येणार्‍या कार ने मोटारसायकलला धडक दिल्याने मोटारसायकलवरील तरूणाचा मृत्यू झाल्याची घटना गुरूवारी सकाळी 8.30 वाजेच्या सुमारास चाळीसगाव आडगाव रस्त्यावर हॉटेल चंद्रा जवळ घडली. राहुल लहु मोरे (21) याचा उपचारादरम्यान मृत्यू झाला.

कारचालकाविरोधात गुन्हा दाखल
अशी गोपाल लहु मोरे (18) व राहुल लहु मोरे (21) दोघे रा आडगाव ता चाळीसगाव हे दोघे भाऊ त्यांची मोटारसायकल (एम एच 19 डी 8572) ने जात असताना चाळीसगाव मालेगाव रोडवरील आडगाव गावाजवळील हॉटेल चंद्रा जवळ रोडवर मालेगाव कडुन भरधाव वेगाने येणार्‍या कार (एम एच 03 बी सी 3917) ने त्यांच्या मोटारसायकलला समोरुन धडक दिल्याने झालेल्या अपघातात मोटारसायकलस्वार राहुल मोरे यास गंभीर मार लागल्याने त्यास येथील देवरे हॉस्पिटल मध्ये उपचारासाठी दाखल करण्यात आले होते. उपचार सुरु असताना त्याचा दुपारी 1 वाजेपुर्वी मृत्यु झाला असुन मेहुणबारे पोलीस स्टेशनला कार चालक समाधान सोपान बागुल (रा बिलाखेड ता चाळीसगाव)याचे विरोधात गुन्हा दाखल करण्यात आला असुन तपास हवालदार शालीग्राम कुंभार करीत आहेत.