किरकोळ भांडणातून एकाचा खून

खडकी :किरकोळ भांडणावरुन लोखंडी पाईपने वार करुन एकाचा खून करण्यात आला. ही घटना शनिवारी (दि. 25) रात्री 10 च्या सुमारास खडकी रेल्वे स्टेशन लोखंडी पादचारीर ओव्हरब्रिजवर घडली. रवी मारुती मोन असे (वय 28, रा. खडकी) असे खून झालेल्या व्यक्तीचे नाव आहे.

पोलिसांनी दिलेल्या माहितीनुसार, प्रशांत ऊर्फ परश्या गायकवाड (रा. खडकी) याने त्याच्या आणि रवीमध्ये झालेल्या भांडणाच्या कारणावरून हातातील लोखंडी पाईपने रवीच्या शरीरावर वार करुन त्याला गंभीररित्या जखमी करून जीवे मारले. आरोपीवर गुन्हा दाखल करण्यात आला असून त्याला अटक करण्यात आली आहे. याप्रकरणी पुढील तपास खडकी पोलीस करत आहेत.