किरकोळ वादातून दोघांचे डोके फोडले

जळगाव । अनोळखी वयोवृद्धाने नेरी नाक्याच्या पानटपरीवर किरकोळ वादातून दगडफेक करून दोघांना जखमी केल्याची घटना शनिवारी रोजी  सकाळी 10.30 वाजेच्या सुमारास घडली असून दोघांना जिल्हा रूग्णालयात उपचारार्थ दाखल करण्यात आले आहे. मिळालेल्या माहितीनुसार, सागर मधूकर भंगाळे (वय-35, रा. कासमवाडी) व दिपक पाटील (वय-42, रा. मेस्को मातानगर) हे दोन्ही मोटारसायकलवर नेरी नाक्याजवळ शनिवारी सकाळी ९.३० वाजता आल्यावर  नेरी नाक्याच्या पानटपरीजवळ एक अनोळखी वयोवृद्ध व्यक्ती पानटपरीवर आला व काहीही कारण नसतांना वयोवृद्धाने दोघांना दगड मारण्यास सुरूवात केली. या हाणामारीत दोघांच्या  डोक्याला मार लागल्याने दोघे ल सागर भंगाळे आणि दिपक पाटील हे दोघी जखमी झाले. दोघांना जिल्हा सामान्य रूग्णालयात उपचारार्थ दाखल करण्यात आले होते.