कुचीपूडी, भरतनाट्यम नृत्याने भुसावळात श्रोते मंत्रमुग्ध

भुसावळ : महाशमहाशिवरात्रीनिमित्त शहराील डॉ.बी.व्ही.खाचणे हालमध्ये नुपूर महोत्सवाचे आयोजन करण्यात आले. यावेळी कलावंतांनी मोहिनीअट्टम, भरतनाट्यम, कथक, कुचीपूडी आदी कलाविष्कार सादर केल्याने उपस्थित रसिक मंत्रमुग्ध झाले. उद्घाटन बाजारपेठ पोलिस निरीक्षक राहुल गायकवाड यांच्याहस्ते झाले. झुंजार लेवा समाज सांस्कृतिक मंडळाचे अध्यक्ष अरुण पाटील, संस्कृत शिक्षक ब्रजेश पंडीत, नृत्य शिक्षिका चारू भालेराव व मान्यवरांनी दीपप्रज्वलन व नटराज पूजन केले.

सहभागी कलावंतांचा गौरव
प्रास्ताविक नुपूरचे संचालक रमाकांत भालेराव यांनी केले. महोत्सवाचे यंदा रौप्य महोत्सवी वर्ष असल्याने गेल्या कालावधीत ज्यांनी मदत केली अशांसह सहभागी कलावंतांचा स्मृतीचिन्ह देउन सत्कार करण्यात आला. त्याच प्रमाणे भरतनाट्यम कलाकार पलक उपाध्याय, प्रार्थना तिवारी तसेच शर्मिष्ठा घोष (मोहिनीअट्टम, भिलाई) यांचा शाल, श्रीफळ व स्मृतिचिन्ह देउन नृत्यश्री पुरस्काराने गौरवण्यात आले. सादरीकरण करतांना मैत्री मालवीय हीने देवी स्तुती सादर केली. नंतर शर्मिष्ठा घोष हिने कुचिपुडी नृत्य सादर केले. नंतर नीयती राणे व उर्वशी कोळी यांनी कथक नृत्यातून त्रिताल सादर केला. भरतनाट्यम हा प्रकार पलक उपाध्याय यांनी सादर करुन रसिकांची मने जिंकली. नुपूर भालेराव हिने शिवतांडव स्तोत्र सादर करुन रसिकांची दाद मिळवली, प्रार्थना तिवारी हिने भरतनाट्यम सादर केले. नंतर मैत्री मालविय हीने कथक सादर केले. शर्मिष्ठा घोष हिने मोहिनीअट्टम सादर केले. नुपूरच्या विद्यार्थिनी निलम धाडसे, मेघा कुळकर्णी, सीमा पाठक, उर्वशी कोळी, नीयती राणे, हेमांगी पंडागरे यांना साहवेना आनुराग व ईलु सा हा देह या गाण्यावर कथक सादर केले. शेवटी पलक उपाध्याय व प्रार्थना तिवारी यांनी भरतनाट्यम सादर केले. सूत्रसंचलन प्रा.डॉ.गिरीष कुळकर्णी यांनी केले.

पर्यावरण संवर्धनासाठी झाडांचे रोप भेट
यावेळी सामाजिक उपक्रमांतर्गत झाडांची रोप वितरीत करण्यात आलि. ही वितरण व्यवस्था पर्यावरण जागरण मंच, शैक्षीक आगाज व समता फाउंडेशन, मुंबई यांच्यातर्फे नाना शंकर पाटील, सुरेंद्रसिंग पाटील यांनी चोख सांभाळली. कार्यक्रमास रसिकांचा प्रचंड प्रतिसाद मिळाला. कार्यक्रम यशस्वितेसाठी राजेंन्द्र जावळे, शुभम कुळकर्णी, शंभु गोडबोले, प्रांजल कुळकर्णी, विकी चव्हाण, नाना शंकर पाटील, सुरेंन्द्रसिंग पाटील, राहुल पाटील, प्रकाश फेगडे आदींनी परीश्रम घेतले.