कृष्ण जन्मभूमीत बॉम्ब स्फोटची धमकी

लखनौ – लष्कर-ए-तोयबा या दहशतवादी संघटनेच्या (एलईटी) धमकीचे पत्र उत्तर प्रदेश पोलिसांना मिळाले आहे. यात कृष्ण जन्मभूमी, वाराणसीचे काशी विश्वनाथ मंदिर, हापूड आणि सहारनपूर रेल्वे स्थानकात बॉम्ब स्फोट करण्याची धमकी देण्यात आली आहे. यानंतर राज्यात हाय अलर्ट जारी करण्यात आला आहे

६, ८ आणि १० जूनला या प्रमुख ठिकाणी बॉम्ब स्फोट करण्याची धमकी देण्यात आली आहे. सध्या या पत्राच्या सत्यतेसंदर्भात तपास केला जात आहे. गुप्तचर विभागाने (आयबी) पत्र मिळताच अलर्ट जारी केला असून, राज्य पोलीसही सतर्क झाले आहेत. अतिरिक्त पोलीस महानिरीक्षक (कायदा आणि व्यवस्था) आनंद कुमार यांनी दिलेल्या माहितीनुसार, महत्त्वपूर्ण धार्मिक, पर्यटन आणि सार्वजनिक ठिकाणी सुरक्षा वाढवण्यात आली आहे. मिळालेल्या पत्रावर जम्मू-कश्मीरच्या एलईटीच्या मौलाना अंबू शेखची स्वाक्षरी आहे.