कोळद्याच्या इसमाची अंजदा शिवारात रेल्वेखाली आत्महत्या

रावेर-  कोळदा येथील एका 65 वर्षीय वृद्धाने  रेल्वेखाली आत्महत्या केल्याची घटना शुक्रवारी मध्यरात्री घडली. प्रकाश पाटील असे मयत वृद्धाचे नाव आहे. आत्महत्येचे कारण कळू शकले नाही. 20 रोजी रात्री एक वाजेच्या सुमारास अजंदा शिवारातील रेल्वे लाईन खांबा क्रमांक 475/09  दरम्यान कुठल्यातरी धावत्या रेल्वेगाडी खाली झोकून त्यांनी आत्महत्या केल्याचे सूत्रांनी सांगितले. याबाबत उपस्टेशन अधीक्षक यांनी खबर दिल्यावरून रावेर पोलिसात अकस्मात मृत्यूची नोंद करण्यात आली. तपास सहाय्यक फौजदार शरीफ तडवी करीत आहे.