क्रेनच्या धडकेत इंडीकाचे नुकसान

जळगाव : शहरात अपघातांच्या संखेत दिवसेंदिवस वाढ होत आहे़ शहरातील रस्त्यांची दुरावस्था व खराब रस्त्यांमुळे नेहमी अपघात होत असतात. शहरातील कालींकामाता मंदीराजवळ 9 जानेवारी रोजी दुपारी 2 वाजेच्या सुमारास क्रेन आणि इंडीका वाहनात अपघात झाल्याची घटना घडली. हा अपघात किरकोळ स्वरूपाचा असला तरी यात कारचे बरेच नुकसान झाले आहे.

कालींकामात मंदीराजवळ दुपारच्या सुमारास इंडीकां कार क्रमांक (एमएच. 28. व्ही. 4502) ही शहराकडे येत असतांना समोरील क्रेन क्रमांक (एमच. 40. पी.2309) वरील चालकाने रस्त्यांच्या परिस्थीतीकडे दुर्लक्ष करून इंडीका कारला धडक दिली. या अपघातामूळे दोन्ही वाहनचालकांमध्ये शाब्दीक बाचाबाची झाली़ अपघातात कारचे काच फुटून नुकसान झाले. या घटने संदर्भात मात्र पोलीस ठाण्यात दुपार पर्यंत कोणतीही तक्रार दाखल करण्यात आला नव्हता. अपघातामुळे परिसरात नागरीकांनी मोठ्या प्रमाणावर गर्दी केली होती.