गरजेपेक्षा जास्त पाणी वापरतात पुणेकर

राज्यामध्ये टाटा कंपनीच्या मालकीच्या धरणामधून पिण्यासाठी पाणी उपलब्ध करून द्यावे, अशी मागणी अजित पवार यांनी विधानसभेत केली. शेतीचे पाणी कमी करून पिण्यासाठी पाणी उपलब्ध करून देण्यासाठी विरोध नाही. मात्र, सध्याची परिस्थिती लक्षात घेता शेतीसाठीदेखील पाणी देणे गरजेचे आहे. पाण्याचे नियोजन करत असताना टाटाच्या मालकीची काही धरणे आहेत. टाटा त्यांच्या मालकीच्या धरणातील पाण्यापासून वीज निर्मिती करतात आणि त्यांचे पाणी समुद्रात सोडले जाते. या टाटांच्या धरणातील पाणी हे ग्रॅव्हीटीने पुण्यात येऊ शकते. त्यामुळे टाटाच्या धरणातील पाणी हे पिण्यासाठी उपलब्ध करून देण्यात यावे, अशी मागणी राज्याचे माजी उपमुख्य़मंत्री अजित पवार यांनी विधानसभेत केली.