गांधी मार्केट मारहाण प्रकरणी दोघांना अटक

जळगाव । दिड महिन्यापूर्वी शहरातील गांधी मार्केट हाणामारी होवून दोघांनी एकावर प्राणघातक हल्ला केला होता.या हल्यात जखमीच्या डोक्याला जबर दुखापत झाली होती. त्याच्या फिर्यादीवरून शहर पोलिसात प्राणघातक हल्ला केल्याप्रकरणी दोघांविरुध्द गुन्हा दाखल करण्यात आला होता. या गुन्ह्यात संशयित सागर कोळी व किरण कोळी रा. वाल्मिक नगर या दोघांना आज तपासधिकारी पीएसआय चंद्रकांत कोसे यांच्यासह पोकॉ. गणेश शिरसाळे यांनी अटक केली आहे.

काय होते प्रकरण
सुभाष चौकातील गांधी मार्केट जवळ चहाच्या टपरीवर काम करणारे रमेश श्रावण सोनवणे हे रोजच्या प्रमाणे चहाच्या टपरीवर चहा बनवत असतांना 13 मोर्च रोजी 4.30 वाजेच्या सुमारास टपरीजवळ सागर लिलाधर सैंदाणे आणि किरण लिलाधर सैंदाणे आल्यानंतर किरकोळ वाद झाला. मात्र थोड्या वेळात वादाचे रूपांतर हाणामारीत झाल्यानंतर दोघानी हॉकीच्या लाकडी दांडूक्याने सागर सैंदाणे आणि किरण सैदाणे यांनी रमेश सोनवणे यांना मारहाण करण्यास सुरूवात केली. याला प्रतिकार करत असतांना हॉकी स्टिकचा फटका रमेश सोनवणे यांच्या डोक्याला लागल्याने गंभीर दुखापत झाली. जखमी आवस्थेत रमेश सोनवणे यांना जिल्हा सामान्य रूग्णालयात उपचारार्थ दाखल करण्यात आले. मात्र रक्तस्त्राव जात होत असतांना त्यांना डॉ. ए.जी. भंगाळे यांच्या भंगाळे क्रिटीकल केअर सेंटरमध्ये आयसीयू विभागात दाखल करण्यात आले. दरम्यान सट्ट्याच्या वादातून हा वाद झाल्याचे बोलले जात होते. या घटनेची पोलिसात दोघांविरोधात तक्रार नव्हती.