गाडगेबाबा अभियांत्रिकीत जानेवारीत व्याख्यानमाला
8 व 9 रोजी मिळणार भुसावळकरांना ज्ञानाची ऊब
भुसावळ : श्री संत गाडगेबाबा अभियांत्रिकी महाविद्यालयातर्फे सालाबादाप्रमाणे जानेवारी महिन्यात गाडगेबाबा व्याख्यानमालेचे आयोजन करण्यात आले आहे. 8 व 9 रोजी होणार्‍या व्याख्यानांद्वारे भुसावळकरांना ज्ञानाची ऊब मिळणार आहे. व्याख्यानमालेच्या सातव्या वर्षी सोमवार, 08 जानेवारी रोजी आंतरराष्ट्रीय ख्यातीचे वनअभ्यासक किरण पुरंदरे ‘मंतरलेली वाट’ या विषयाद्वारे त्यांचे जंगलातील अनुभव सांगतील तर मंगळवार 9 जानेवारी रोजी ‘भाषा, अध्यात्म व जीवन’ या विषयावर हिंदी क्षेत्रातील ज्येष्ठ साहित्यिक डॉ. राधेश्याम यादव हे ‘अजात शत्रू मानवी जीवनाचा’ या तिन्ही विषयावरील परस्पर संबंध उलगडतील.
* व्याख्यानमालेच्या तयारीला
जग प्रसिद्ध व्याख्याते विद्यार्थ्यांसोबतच भुसावळकरांना वैचारिक मेजवानी देणार असल्याचे महाविद्यालयाचे प्राचार्य डॉ.आर.पी.सिंह यांनी कळवले आहे. दरम्यान, परीसरातील श्रोत्यांनी गाडगेबाबा व्याख्यानमालेचा लाभ घ्यावा, असे आवाहन प्रमुख आयोजक हिंदी सेवा मंडळ अध्यक्ष जे.टी. अग्रवाल, सचिव मधुलता शर्मा, कोषाध्यक्ष एम.डी.तिवारी यांनी केले आहे. व्याख्यानमालेच्या नियोजनासाठी डॉ. गिरीष कुलकर्णी, प्रा.अनंत भिडे, प्रा.सुलभा शिंदे, प्रा.निता नेमाडे, प्रा.स्मिता चौधरी, प्रा.गजानन पाटील, प्रा.धीरज पाटील, प्रा.अनिकेत पाठक, प्रा. प्रफुल्ल वानखेडे, प्रा. सचिन हरिमकर, प्रा. राहुल चौधरी, प्रा. चित्तरंजन पाटील, प्रा. अतुल गाजरे परीश्रम घेत आहेत.