गिरगावातील इमारतीमध्ये भीषण आग

मुंबई : गिरगावातील कुंभार गल्ली येथे असणाऱ्या इमारतीमध्ये दुसऱ्या मजल्यावर बुधवारी सकाळी भीषण आग लागल्याची घटना घडली आहे.

गिरगावमध्ये  मारुती मंदिर रोड येथे मोची बिल्डिंग असून या निवासी इमारतीच्या दुसऱ्या मजल्यावर सकाळी साडे अकराच्या सुमारास भीषण आग लागली. आगीचे वृत्त समजताच अग्निशमन दल आणि पोलिसांचे पथक घटनास्थळी पोहोचले. आगीवर नियंत्रण मिळवण्यात यश आले असून अद्याप आगीचे नेमके कारण समजू शकलेले नाही अशी माहिती अधिकाऱ्यांनी दिली.