गुड्ड्या खून प्रकरणातील दोन आरोपी अटकेत

धुळे । रफियोद्दीन शफियोद्दीन शेख उर्फ गुड्डया याच्या खून प्रकरणानंतर तपासकामाला धुळे पोलिसांनी गती दिलेली आहे. शनिवारी सकाळी या प्रकरणातील संशयित राजा उर्फ भद्रा देवरे आणि विलास उर्फ छोटा पापा गोयर यांच्या मुसक्या आवळण्यात आल्या. पोलीस बंदोबस्तात त्यांना धुळ्यात आणण्यात आल़े मंगळवार 18 जुलै रोजी सकाळी गुड्ड्यांचा खून झाल्यानंतर संशयितांनी घटनास्थळावरुन पळ काढला़ सीसीटीव्हीची मदत घेवून धुळे जिल्हा पोलिसांनी तपासाची चक्रे फिरविली़ त्यासाठी 8 ते 9 पथकांची नियुक्ती करण्यात आली. टप्प्याटप्प्याने या घटनेतील मुख्य संशयित आरोपी आणि त्यांना मदत करणार्‍यांना पकडण्याचे काम सध्या या विशेष पथकांद्वारे जोमाने सुरु आह़े याप्रकरणातील मुख्य संशयित 7 आणि त्यांना मदत करणारे 6 संशयिताना पकडण्यास पोलीसांना यश आले आहे.

इंदूर बायपासवर रचला सापळा
शनिवारी सकाळी मध्यप्रदेश राज्यातील इंदूर बायपास येथे दोन संशयित असल्याची गोपनीय माहिती पोलिसांना मिळाली आणि त्यानुसार सापळा रचण्यात आला़ पोलीसांनी मोठ्या शिताफिने राजा उर्फ भद्रा देवरे आणि छोटापापा उर्फ विलास श्याम गोयर यांना ताब्यात घेण्यात आल़े भद्रा याला देवपूर पोलीस ठाण्याचे पो.नि. किशोर शिरसाठ यांच्या पथकाने तर छोटापापा याला स्थानिक गुन्हे अन्वेषण शाखेचे पोलीस निरीक्षक रमेशसिंह परदेशी यांच्या पथकाने कारवाई करत ताब्यात घेतले आहे पुढील तपास सुरु आहे.