चंद्राबाबू नायडू बचावले

कडपा : वृत्तसंस्था : आंध्रप्रदेशमधील कडपा जिल्ह्यात रामनवमीनिमित्त काढलेल्या मोठ्या मिरवणुकीदरम्यान सोसाट्याचा वारा आणि पावसामुळे मंडप कोसळला. त्यानंतर गोंधळ निर्माण होऊन मोठ्याप्रमाणावर चेंगराचेंगरी झाली. या घटनेत 4 भाविक मृत्युमुखी पडले तर 30 जण जखमी झाले. यावेळी उत्सवात सहभागी होण्यासाठी मुख्यमंत्री चंद्रबाबू नायडू काही मंत्र्यांसमवेत तेथे गेले होते. सुदैवाने ते बचावले. स्थानिक प्रशासनाने घटनास्थळी बचाव कार्य सुरु केले.

मंडप पडल्याने चेंगराचेंगरी
पोलिसांच्या माहितीनुसार, कडपा जिल्ह्यातील वोंटिमिटा येथील कोडनड्रमा स्वामी मंदिरात रामनवमीनिमित्त कार्यक्रम सुरू असताना मंडप कोसळला. रामनवमीनिमित्त आयोजित या उत्सवात सहभागी होण्यासाठी मुख्यमंत्री चंद्रबाबू नायडू यांनी यावेळी आपल्या मंत्रिमंडळातील मंत्र्यांसोबत येथे हजेरी लावली होती. दरम्यान, मंडप पडल्याने लोकांमध्ये मोठी गोंधळ निर्माण होऊन चेंगराचेंगरी झाली. यातून चंद्राबाबू नायडूदेखील थोडक्यात बचावले. दरम्यान, जखमींना उपचारांसाठी रुग्णालयात दाखल करण्यात आले आहे.