जमीन घोटाळाप्रकरणी हुडा; व्होरा यांची चौकशी

नवी दिल्ली । वृत्तसंस्था हरियाणाचे माजी मुख्यमंत्री भुपिंदरसिंह हुडा आणि काँग्रेसचे ज्येष्ठ नेते मोतीलाल व्होरा यांच्यासमोरील अडचणी वाढताना दिसत आहे. असोसिएटेड जर्नल्स लिमिटेड (एजेएल) जमीन घोटाळ्या प्रकरणी या दोन्ही काँग्रेस नेत्यांची गुरूवारी अंमलबजावणी संचालनालयाने (ईडी) चौकशी केली. यापूर्वी केंद्रीय अन्वेषणनेही (सीबीआय) हुडा यांच्याविरोधात खटला दाखल केला होता. ज्यावेळी एजीएलला जमीने वाटप झाले होते. त्यावेळी हुडा हे हरियाणा शहर विकास प्राधिकरणाचे अध्यक्ष तर व्होरा हे राज्यपाल होते.सीबीआयनेही हरियाणातील पंचुकला येथे असोसिएटेड जर्नल्सला जमीन वाटप केल्याप्रकरणी हुडा यांच्याविरोधात खटला दाखल केला होता. या प्रकरणी काँग्रेसच्या हायकमांडचीही चौकशी होण्याची शक्यता आहे. काँग्रेस अध्यक्ष सोनिया गांधी आणि उपाध्यक्ष राहुल गांधी यांच्याही चौकशीची शक्यता वर्तवली जात आहे. अंमलबजावणी महासंचालनालयाकडून यासंबंधी प्रारंभीपासून 1982 मध्ये असोसिएटेड जर्नल्सला पंचकुला येथे जमीन देण्यात आली होती.