जळके येथील एकाने घेतले विष; प्रकृती गंभीर

जळगाव – तालुक्यातील जळके येथील 45 वर्षीय प्रौढाने विषारी औषध घेतल्याचा प्रकार घडला असून खासगी वाहनातून जिल्हा शासकीय वैद्यकीय महाविद्यालयात उपचारार्थ दाखल करण्यात आले. याबाबत एमआयडीसी पोलीसात नोंद करण्यात आली आहे. पोलीसांकडून मिळालेली माहिती अशी की, भिमराव प्रल्हाद पाटील (वय- 45) रा. जळके ता.जि.जळगाव यांनी राहत्या घरी सायंकाळी 8 वाजेच्या सुमारास कोणतेतरी विषारी औषध प्राशन केले. तातडीने नातेवाईकांनी खासगी वाहनाने जळगावातील  जिल्हा शासकीय वैद्यकीय महाविद्यालयात दाखल केले. विषारी औषध घेतल्याने त्यांची प्रकृती गंभीर आहे. वैदयकिय अधिकारी डॉ. प्रविण पाटील यांच्या खबरीवरून एमआयडीसी पोलीसात नोंद करण्यात आली आहे. प्राथमिक तपास पोहेकॉ भरत लिंगायत करीत आहे.