जळगावच्या तरुणाला 10 हजाराचा ऑनलाईन गंडा

जळगाव : बँकेतून बोलत असल्याचे भासवत बँकेचे खाते व्हेरिफिकेशन नावाने सायबर चोरट्यांनी जळगावातील आसोदा रोड परीसरातील तरुणाला 10 हजार 154 रुपयांचा गंडा घातला. या प्रकरणी जिल्हापेठ पोलिस ठाण्यात गुन्हा दाखल करण्यात आला.

ऑनलाईन फसवणुकीचे प्रकार वाढले
शहरातील आसोदा रोड परीसरात विशाल विनोद कोळी (23) हा तरुण वास्तव्यास आहे. विशाल हा बेंडाळे कॉम्प्लेक्समधील श्री ऑनलाईन सर्व्हिस शॉप या दुकानावर असतांना त्याला अनोळखी क्रमांकावरून फोन आला. आयडीएफसी बँकेतून बोलत असल्याचे भासवत त्यांनी विशालला सिव्हिल व्हेरीफिकेशन अ‍ॅपची बतावणी केली. त्याद्वारे अनोळखींनी विशालच्या बँक खात्याची माहिती घेत एका लींकद्वारे त्याच्या क्रेडिट कार्डमधून ऑनलाईन 10 हजार 154 रुपये काढुन घेतले. 28 जानेवारी रोजी घडलेली घटना शनिवार, 12 फेब्रुवारी रोजी विशालच्या लक्षात आल्याने त्याने जिल्हापेठ पोलिस ठाण्यात तक्रार दिल्यानंतर अनोळखी संजीव शर्मा नामक व्यक्तीविरुध्द गुन्हा दाखल करण्यात आला. तपास पोलीस नाईक रूस्तम तडवी हे करीत आहेत.