जळगावच्या पोलीस पूत्र अमेय नगरकर चा सागरी विक्रम

2 तास 39 मिनिट 9 सेकंद 16 किमीचे जलतरण

सर्वात कमी वेळात अंतर पार करणारा ठरला जलतरणपटू ठरला

जळगाव- जिल्हा पोलीस दलात कार्यरत पोलीस हवालदार कमलेश नगरकर या कर्मचार्‍याच्या जलतरणाच्या स्पर्धेत 16 किलोमीटर अंतर अवघ्या 2 तास39 मिनिट 9 सेकंदात पूर्ण सागरी विक्रम केला आहे. राष्ट्रीय खेळांडूसोबत झालेल्या या स्पर्धेत तो सर्वात कमी वेळात अंतर पार करणारा तो जलतरणपटू ठरला आहे. अमेय हा जिल्हा पोलीस जलतरण तलावाचा व जळगाव जिल्हा हौशी जलतरण असोशिएनचा जलतरणपटू आहे.

स्विमिंग फेडरेशन ऑफ इंडिया यांच्या मान्यतेने व निरीक्षणाखाली 31 जानेवारी रोजी एलिफंटा जेट्टी ते गेटवे ऑफ इंडिया 16 किलोमीटर स्पर्धा झाली. यात सकाळी ठीक 10 वाजून 28 मिनिटांनी एलिफंटा जेट्टी येथून अंगाला ग्रीस लावून अंतर पार करण्यास सुरुवात केली. अमेयने एक वाजून 7 मिनिटांनी गेटवे ऑफ इंडिया येथे पोहचत 16 किमी सागरी अंतर यशस्वीरित्या 2 तास एकोणचाळीस मिनिट नऊ सेकंद पोहून विक्रम केला.या विक्रमाची स्विमिंग फेडरेशन ऑफ इंडिया यांचे निरीक्षक सुखविंदर सिंग मुंबई यांच्या निरीक्षणाखाली नोंद करण्यात आली. यावेळी जिल्हा संघटनेचे रेवती नगरकर, रमेश सोनवणे हे उपस्थित होते. 31 रोजी तो दुपारी एक वाजून 7 मिनिटांनी गेटवे ऑफ इंडिया येथे पोहचला.

या राष्ट्रीय खेळाडूंसोबत स्पर्धा
या स्पर्धेत राष्ट्रीय खेळाडू आदित्य ओक ,आरिफ पिंजारी, लोकेश खाचणे अथर्व रायचंदे ,कुणाल चौधरी ,रिद्धी नगरकर यांचे अमेयसमोर आव्हान होते. हे आव्हान स्विकारुन अमेयने त्याच्यासोबत जलतरण करुन विक्रम केला.त्याला सुबोध सुळे, कमलेश नगरकर, रमेश सोनवणे यांचे मार्गदर्शन लाभले. विक्रमाबद्दल स्विमिंग फेडरेशनचे निरीक्षक सुखविंदर सिंग यांनी अमेयचा स्मृतीचिन्ह देवून सत्कार केला.यावेळी त्याचे वडील कमलेश नगर व आई रेवतीनगर सोबत होते. या यशाबद्दल त्याचे पोलीस अधीक्षक दत्ता शिंदे, अप्पर पोलीस अधीक्षक, संतोष मतानी, माजी पोलीस अधीक्षक डॉ जालिंदर सुपेकर, जैन इरिगेशन चे अध्यक्ष अशोक जैन, जिल्हा संघटनेचे राजेंद्र ओक, फारुक शेख, किशोर नेवे, प्रा.डॉ.अनिता कोल्हे, नरेंद्र चव्हाण यांनी कौतुक केले आहे.