जळगावात कापड दुकान फोडले : 45 हजारांचा मुद्देमाल चोरीला
जळगाव : गजबजलेल्या फुले मार्केटमधील कापड दुकानातून 45 हजार रुपये किंमतीचा मुद्देमाल चोरीला गेला. याबाबत शुक्रवारी 15 जुलै रोजी रात्री 10 वाजता अज्ञात चोरट्यांवर गुन्हा दाखल करण्यात आला.
अज्ञात चोरट्यांविरोधात गुन्हा
भूषण राजेंद्र पाटील (28, पांजरपोळ, नेरी नाका, जळगाव) हे आपल्या कुटुंबीयांसह वास्तव्याला आहे. त्यांचे फुले मार्केटमध्ये देवा मेन्स वेअर नावाचे कापड दुकान आहे. गुरुवार, 14 जुलै रोजी रात्री ते नेहमीप्रमाणे दुकान बंद करून गेले होते. मध्यरात्री अज्ञात चोरट्यांनी दुकानाचे शटर वाकवून आत प्रवेश करत सुमारे 45 हजार रुपये किमतीचे कापड चोरून नेला. नेहमीप्रमाणे शुक्रवारी 15 जुलै रोजी दुपारी दुकान उघडले असता त्यांना दुकानात चोरी झाल्याचे उघडकीला आले. भूषण पाटील यांनी तातडीने शहर पोलीस ठाण्यात धाव घेत तक्रार दिल्याने शुक्रवारी रात्री 10 वाजता अज्ञात चोरट्यांवर गुन्हा दाखल करण्यात आला. पुढील तपास पोलिस हेड कॉन्स्टेबल विजय निकुंभ करीत आहे.