जळगावात चॉपरच्या धाकावर दहशत : लिंबू राक्या जाळ्यात

जळगाव : शहरातील भिलपूरा चौकात चॉपर घेवून फिरून दहशत निर्माण करणार्‍या राकेश उर्फ लिंबू राक्या चंद्रकांत साळुंके (26, रा.कांचन नगर, जळगाव) याला शनिपेठ पोलिसांनी अटक केली. याबाबत गुरुवार, 24 फेब्रुवारी रोजी रात्री शनिपेठ पोलिस ठाण्यात गुन्हा दाखल करण्यात आला.

चॉपरसह आरोपी जाळ्यात
गुरुवार, 24 फेब्रुवारी रोजी सायंकाळी 7 ते रात्री 9 वाजेच्या दरम्यान शनिपेठ पोलिस ठाण्याचे पोलिस कर्मचारी राहुल पाटील, सहाय्यक फौजदार रवींद्र बोदडे, इंदल जाधव, अनिल कांबळे हे नाकाबंदीसाठी भिलपूरा चौकात गस्तीवर असतांना रात्री साडेआठ वाजेच्या सुमारास सुमारास हिस्ट्रीशीटर राकेश उर्फ लिंबू राक्या चंद्रकांत साळुंके (26, रा.कांचन नगर, जळगाव) हा बेकायदेशीररीत्या हातात चॉपर घेवून फिरत असल्याचे दिसून आल्यानंतर त्यास पकडण्यात आले. संशयीताच्या ताब्यातील चॉपर हस्तगत करण्यात आला. पोलिस कॉन्स्टेबल राहुल अभिमन पाटील यांच्या फिर्यादीवरून संशयीत आरोपी राकेश उर्फ लिंबू राक्या चंद्रकांत साळुंखे यांच्या विरोधात शनीपेठ पोलिस ठाण्यात गुन्हा दाखल करण्यात आला. तपास पोलिस हेड कॉन्स्टेबल अमोल विसपुते करीत आहे.