जळगाव-उधना रेल्वे मार्ग दुहेरीकरणामुळे 12 पॅसेंजर गाड्या रद्द

सुरत-भुसावळ, भुसावळ-मुंबई पॅसेंजरचाही समावेश

भुसावळ – जळगाव-उधना रेल्वे मार्गाचे दुहेरीकरण सुरू असल्याने व फेज तीन च्या कामासाठी रेल्वे प्रशासनाने 16 ते 21 नोव्हेंबर दरम्यान मेगा ब्लॉक जाहिर केला असून यादरम्यान धावणार्‍या तब्बल 12 पॅसेंजर गाड्या रद्द केल्याने खान्देशातील प्रवाशांचे मोठे हाल होणार आहे. रद्द केलेल्या गाड्यांमध्ये सुरत-भुसावळ, भुसावळ-मुंबई आदी पॅसेंजर गाड्यांचा समावेश आहे.

 12 पॅसेंजर गाड्या रद्द
16 ते 21 दरम्यान रद्द झालेल्या गाड्यांमध्ये 59013 सुरत-भुसावळ, 59014 भुसावळ-सुरत, 59077 सुरत-भुसावळ, 59078 भुसावळ-सुरत, 59075 सुरत-भुसावळ, 59076 भुसावळ-सुरत या पॅसेंजरचा समावेश आहे. 19 रोजी 19025 सुरत-अमरावती व 19026 अमरावती-सुरत फास्ट पॅसेंजर रद्द करण्यात आली तर 21 रोजी 51154 भुसावळ-मुंबई, 51153 मुंबई-भुसावळ, 51181 भुसावळ-देवळाली, 51182 देवळाली-भुसावळ ही पॅसेंजर रद्द करण्यात आली.

या गाड्यांचे मार्ग बदलले
19 रोजी धावणारी 12656 अप मद्रास-अहमदाबाद नवजीवन एक्स्प्रेस इगतपुरी-कल्याण-भोईसर मार्गे वळवण्यात आली आहे. 21 रोजी धावणारी 22938 अप रेवा-राजकोट एक्स्प्रेस व्हाया भोपाळ-नागदा-बडोदा मार्गे वळवण्यात आली आहे. याच दिवशी धावणारी 12656 अप मद्रास-अहमदाबाद ही गाडी भुसावळ-इगतपुरी-कल्याण-भोईसर मार्गे वळवण्यात आली आहे. 22948 अप भागलपूर-सुरत एक्स्प्रेस भोपाळ-नागदा-बडोदा मार्गे वळवण्यात आली आहे. 12833 डाऊन अहमदाबाद-हावडा भोईसर-कल्याण-इगतपुरी मार्गे वळवण्यात आली. 19063 डाऊन उधना-दानापूर एक्स्प्रेस सुरत-नागदा-भोपाळमार्गे वळवण्यात आली. 21 रोजी धावणारी डाऊन 22828 सुरत-पुरी एक्स्प्रेस भोईसर-कल्याण-इगतपुरी तर डाऊन 22947 सुरत-भागलपुर एक्स्प्रेस सुरत-नागदा-भोपाळमार्गे वळवण्यात आली आहे.

या गाड्या धावणार उशिराने
19 रोजी सुटणारी डाऊन 12833 अहमदाबाद-हावडा एक्स्प्रेस अडीच तास उशिराने सुटेल. 21 रोजी सुटणारी डाऊन अहमदाबाद-मद्रास एक्स्प्रेस दिड तास उशिराने धावेल. डाऊन 22664 जोधपूर-मद्रास एक्स्प्रेस एक तास उशिराने सुटेल. हॉलिडे स्पेशल गाड्या उशिरा वा मार्ग परिवर्तन करून धावणार असल्याची शक्यता आहे.