जळगाव जिल्हा रुग्णालयात कोरोनाचे नवीन ११ संशयित रुग्ण दाखल

१८ जणांचे अहवाल प्रतीक्षेत

जळगाव – जिल्हा सामान्य रुग्णालयात आज नव्याने कोरोनाचे ११ संशयित रुग्ण शासकीय वैद्यकीय महाविद्यालय व रुग्णालयात दाखल झाले आहे. संशयित रुग्णांची संख्या आता १४६ झाली असून १३१ रुग्णांचे तपासणी अहवाल निगेटिव्ह आले असुन १८ संशयित रूग्णांचे तपासणी अहवाल येणे बाकी असल्याची माहिती अधिष्ठाता डॉक्टर भास्कर खैरे यांनी दिली.
जळगाव जिल्ह्यात कोरोनाने प्रवेश केला असून दोन रुग्ण पॉझिटिव्ह आढळून आले आहे. त्यापैकी एकाचा मृत्यू झाला आहे तर दुसर्‍यावर उपचार सुरू आहे. दरम्यान आतापर्यंत १४६ संशयित रुग्ण रूग्णालयात दाखल झाले असून त्यापैकी १३१ जणांचे अहवाल निगेटिव्ह आले आहेत. तर १८ जणांचा तपासणी अहवाल अद्याप येणे बाकी आहे. आतापर्यंत २७९३ जणांची स्क्रीनिंग तपासणी करण्यात आली आहे. तसेच आज नव्याने ११ संशयित रुग्ण रूग्णालयात दाखल झाले असल्याचेही डॉक्टर भास्कर खैरे यांनी कळविले आहे.