जळगाव शहरासह भुसावळ अमळनेरात 7 ते 13 जुलैपर्यंत लॉकडाऊन !

जळगाव- गेल्या काही दिवसांपासून जिल्हयात कोरोनाबाधीतांची संख्या वाढतच आहे. कोरोनाबाधीतांचा आकडा 4007 वर पोहचला आहे. अनेक लोकप्रतिनिधींसह संघटनांकडून गेल्या काही दिवसांपासून लॉकडाऊनची मागणी समोर येत होती. त्याअनुषंगाने जिल्हाधिकारी अभिजित राऊत यांनी जळगाव शहर महानगरपालिका, भुसावळ आणि अमळनेर नगरपालिका क्षेत्र या ठिकाणी दि. 7 जुलैच्या पहाटे 5 वाजेपासून ते 13 जुलैच्या रात्री 12 वाजेपर्यंत लॉकडाऊन जाहीर केला आहे. या काळात औषधी दुकाने, दुधविक्री, खरेदी करता येणार आहे. कोणत्याही स्वंयचलित वाहनाचा या कालावधीत वापर करता येणार नाही.