जामनेर तालुक्यातील तरुणीचे अल्पवयीन असतानाच लावले लग्न : बलात्कारानंतर तरुणी तीन महिन्यांची गर्भवती

जळगाव : वय कमी असतानाही तरुणीचे लग्न लावून दिल्यानंतर पतीने तिच्यावर अत्याचार केल्याचा प्रकार समोर आला असून त्यानंतर तरुणी महिन्यांची गरोदर राहिल्याने पतीसह लग्न लावून देणार्‍या सात संशयीतांविरूद्ध शनिपेठ पोलिस ठाण्यात गुन्हा दाखल करण्यात आल्याने खळबळ उडाली आहे.

पीडीता जामनेर तालुक्यातील रहिवासी
जामनेर तालुक्यात राहणार्‍या 16 वर्षीय अल्पवयीन मुलीचे लग्न जून 2021 मध्ये लावून देण्यात आले. यानंतर पतीने तीला जळगाव शहरात रहिवासाला आणले. तिच्यावर अत्याचार केले. चारीत्र्यावर संशय घेऊन तिला मारहाण केली. अत्याचारातून मुलगी गर्भवती राहिल्याबाबत त्यानंतर उघड झाली. या प्रकरणी पतीच्या त्रासाला कंटाळुन अखेर या मुलीने 8 फेब्रुवारी रोजी घरातून पळून जात थेट इंदूर (मध्यप्रदेश) गाठले. नातेवाईकांचे घर माहित नसल्याने तीला तेथेही भीती वाटू लागली. या मुलीने अखेर इंदूर पोलिसांकडे धाव घेतली.

शनीपेठ पोलिसात दाखल झाला गुन्हा
पोलिसांनी पीडीतेला महिला व बालकल्याण समितीसमोर हजर केले. तेथे मुलीने आपबीती सांगीतली. यानंतर इंदूर पोलिसांनी मुलीस शनिपेठ पोलिस ठाण्यात आणले. या प्रकरणी स्वत: मुलीने दिलेल्या फिर्यादीवरुन तीची आई, पती व इतर जवळच्या सात नातेवाइकांविरुद्ध शनिपेठ पोलिस ठाण्यात गुन्हा दाखल करण्यात आला. पोलिस निरीक्षक बळीराम हिरे तपास करीत आहेत.