जिल्हाधिकार्यांची खुर्चीसह वाहनाची जप्ती टळली
जळगाव । तालुक्यातील साजगा-मोहाडी लघु पाटबंधारे योजनेसाठी 10 एकर जमीन संपादित करून त्याचा वाढीव मोबदला देण्यास टाळाटाळ केल्याप्रकरणी न्यायालयाने जिल्हाधिकार्यांची खुर्ची व वाहन जप्त करण्याचे आदेश दिले. मात्र दोन दिवसात सोमवारी सदरील रक्कम भरण्याचे आश्वासन जिल्हाधिकार्यांनी दिल्यानंतर शेतकर्यांनी कारवाई थांबविली. त्यामुळे खुर्ची व वाहन जप्तीची नामुष्की टळली. साजगाव-मोहाडी लघु पाटबंधारे योजनेसाठी 1 जानेवारी 1995 रोजी सिकंदर अमिर पिंजारी यांच्या मालकीची 10 एकर जमिनीचे भूसंपादन केले होते. शेतकर्यांनी जिल्हा न्यायालयात वाढीव मोबदल्यासाठी याचिका दाखल केली होती.
नोव्हेंबर 2016 पासून
याचीकानुसार 2008 मध्ये जिल्हा न्यायालयाने शेतकर्यांना वाढीव मोबदला देण्याचे आदेश शासनाला दिले होते. मात्र शासनाकडून वाढीव मोबदला देण्यासाठी टाळाटाळ करण्यात येत असल्याने न्यायालयाकडून जप्तीचे वॉरंट काढण्यात आले. दरम्यान सदरील शेतकर्याचा जमिनीचा मोबदला नोव्हेंबर 2016 मध्ये रक्कम शासनाकडून जिल्हाधिकारी कार्यालयात वर्ग करण्यात आला होती. मात्र अद्यापपर्यंत शेतकर्याच्या खात्यात का रक्कम जप्त झाली नाही असा सवाल केला. तरीही जिल्हा प्रशासनाने रक्कम शेतकरीला मिळाली नाही. या संदर्भात शेतकर्यांनी न्यायालयात पुन्हा अर्ज करून जिल्हाधिकार्यांची खुर्ची व वाहन जप्त करण्याचे आदेश व्हावे, अशी मागणी केली होती. त्यानुसार न्यायालयाने वॉरंट काढले होते. या वॉरंटच्या अंमलबजावणीसाठी सकाळी 11 वाजेच्या सुमारास शेतकरी सिकंदर पिंजारी, युनूस पिंजारी, मन्सूर पिंजारी, अॅड.अशोक चौधरी व न्यायालयातील अधिकारी व कर्मचारी जिल्हाधिकारी कार्यालयात निवासी उपजिल्हाधिकारी राहुल मुंडके यांची भेट घेऊन कारवाईची माहिती दिली. मुंडके यांनी शेतकर्यांना दोन दिवस थांबण्याची विनंती केली. त्यानंतर जिल्हाधिकारी रुबल अग्रवाल या कार्यालयात आल्या. अॅड.अशोक चौधरी यांच्यासह शेतकर्यांनी त्यांची भेट घेत न्यायालयाच्या आदेशाची प्रत त्यांना दाखविली. जिल्हाधिकार्यांनी दोन दिवसात शेतकजयांच्या मोबदल्याची रक्कम अदा करण्याचे आश्वासन दिले. शेतकर्यांनी दोन दिवसांची मुदत दिल्यामुळे जिल्हाधिकार्यांची खुर्ची तसेच वाहन जप्तीची नामुष्की टळली.