जिल्हा रुग्णालयात उपचारा दरम्यान प्रौढाचा मृत्यू

जळगाव। शिवाजीनगरात जखमी अवस्थेत सापडलेल्या प्रौढास जिल्हा सामान्य रूग्णालयात उपचारार्थ दाखल करण्यात आले होते. मात्र, आज मंगळवारी उपचार घेत असतांना प्रौढाचा मृत्यू झाला आहे. तुळशीराम ओंकार महाजन (वय-50) असे मयताचे नाव असून याबाबत शहर पोलिस ठाण्यात अकस्मात मृत्यूची नोंद करण्यात आली आहे.

शिवाजीनगरातील जैन मंदिरामधील पुजारींना तुळशीराम ओंकार महाजन हे जखमी अवस्थेत 3 मे रोजी मंदिराच्या परिसरात मिळून आले होते. त्यांनी लागलीच रूग्वाहिका बोलवून त्यांना जिल्हा सामान्य रूग्णालयात उपचारार्थ दाखल केले होते. परंतू, मंगळवारी उपचार घेत असतांना सकाळी 8.05 वाजता त्यांचा मृत्यू झाला. याप्रकरणी शहर पोलिस ठाण्यात अकस्मात मृत्यूची नोंद करण्यात आली आहे. याचा पुढील तपास पोहेकॉ. अविनाश कांबळे हे करीत आहेत.