ट्रकच्या धडकेत दुचाकीस्वार जखमी : आकाशवाणी चौकात अपघात

जळगाव : ट्रकने दुचाकीला दिलेल्या धडकेत दुचाकीस्वार तरुण जखमी झाला. हा अपघात गुरुवारी आकाशवाणी चौकात एका रुग्णालयासमोर रस्त्यावर घडला होता. या अपघातप्रकरणी रामानंदनगर पोलिसात ट्रक चालकाविरोधात गुन्हा दाखल करण्यात आला.

ट्रकची दुचाकीला धडक
शहरातील सरदार नगर येथील कुणाल शाम बिर्‍हाडे (30) हा तरुण हे गुरुवार, 21 जुलै रोजी शहरातील आकाशवाणी चौकातून त्याच्या दुचाकी (एम.एच 19 ए.डब्लू.9920) ने जात असताना एका रुग्णालयासमोर भरधाव ट्रकने बिर्‍हाडे यांच्या दुचाकीला जोरदार धडक दिली. या धडकेत दुचाकीवरील कुणाल हा जखमी झाला तसेच दुचाकीचेही नुकसान झाले. अपघानंतर ट्रक चालक घटनास्थळावरुन पसार झाला. दरम्यान याप्रकरणी दोन दिवसानंतर कुणालचे वडील शाम मुकूंद बिर्‍हाडे यांच्या फिर्यादीवरुन अज्ञात ट्रकचालकाविरोधात रामानंदनगर पोलिसात गुन्हा दाखल करण्यात आला. पुढील तपास पोलिस नाईक चंद्रकांत पाटील हे करीत आहेत.