ट्रकच्या धडकेत बिबट्याचा जागीच मृत्यू
धुळे । शहरानजीक लळींग कुरण परिसरातून बाहेर आलेला बिबट्याला ट्रकची जोरदार धडक बसली. यात त्याचा जागेवरच मृत्यू झाल्याची घटना लळींगजवळ
असलेल्या जवाहर गेटसमोर मंगळवारी पहाटे 5 वाजेच्या सुमारास घडली. मृत बिबट्याला पाहण्यासाठी नागरिकांनी गर्दी केली. माहिती मिळताच वनविभागाच्या पथकाने घटनास्थळी भेट दिली. साकी तालुक्यातील पश्चिम पट्ट्यात मे महिन्यात बिबट्याने धुमाकूळ घालण्याच्या घटना वेळोवेळी घडल्या आहेत़ शेळ्या-मेंढ्यांचा खात्मा देखील झाला आहे़ याला कंटाळून नागरीकांनी वनविभागाकडे तक्रारी केल्या होत्या. त्याला पकडण्याचे मोठे आव्हान वन विभागापुढे होते़ मोठ्या अथक परिश्रमाने वनविभागाच्या कर्मचार्यांनी धुमाकूळ घालणार्या बिबट्याला जेरबंद करण्यात यश मिळविले होते. त्या बिबट्याला पकडून पिंजजयात अडकवून धुळे तालुक्यातील मुंबई आग्रा राष्ट्रीय महामार्गावर असलेल्या लळींग कुरणात सोडून देण्यात आले होते. मंगळवारी पहाटे बिबट्याला अपघाती मृत्यू झाला आहे़ वनविभागाकडून पंचनामा करण्याचे काम सुरु आहे.