डिअर अंकल सचिन… चिमुकल्या चाहत्याचं पत्र

मुंबई । मास्टर ब्लास्टर सचिन तेंडुलकरचे जगभरात कोट्यवधी चाहते आहेत. त्यात लहानथोर, इतर खेळांंमधील दिग्गज खेळाडू, सिने अभिनेते, राजकारणी. उद्योजक असे जीव ओवाळून टाकणारे चाहते आहेत.त्यापैकीच एका चिमुकल्या चाहत्याने सचिनला खास पत्र लिहून आपल्या भावना व्यक्त केल्या आहेत. डिअर अंकल सचिन… अशी सुरुवात करत सचिनच्या या चिमुकल्या चाहत्याने पत्र लिहिले आहे. अरमान असे या फॅनचे नाव आहे. सचिनसारखेच आपल्यालाही व्हायचं असल्याचे अरमानने म्हटले आहे. अरमानने हस्ताक्षरात हे पत्र लिहिले. सचिन तेंडुलकरने ट्विटर हँडलवरुन हे पत्र शेअर करत, अरमानचे आभार मानले असून, त्याचे स्वप्न पूर्ण करण्यासाठीही सचिनने शुभेच्छा दिल्या.

अरमानचे सचिनला पत्र
डिअर अंकल सचिन, मी तुझा सिनेमा (सचिन : अ बिलिअन ड्रीम्स) पाहिला आणि मी खूप एन्जॉय केला. मी तुझा सर्वात मोठा चाहता आहे. मला तुझ्यासारखे व्हायचे आहे. मला तुझ्यासारखे खेळून देशासाठी चषक जिंकायचे आहेत. तुझी स्वाक्षरी असलेली बॅट मला भेट दिल्याबद्दल खूप खूप आभार. तू दिलेलं बक्षीस माझ्यासाठी अत्यंत मोलाचे आहे., असे अरमानने पत्रात म्हटले आहे.