…तरच पेट्रोल, डिझेल स्वस्त

रायपूर : पेट्रोल आणि डिझेलचे दर स्वस्त करायचे असतील तर ते जीएसटी खाली आणावे लागतील, असे मत केंद्रीयमंत्री धर्मेंद्र प्रधान यांनी व्यक्त केले. रायपूरमध्ये तेल वाढीच्या किमतीवर बोलताना ते म्हणाले की, कच्या तेलाच्या वाढत्या दरामुळे पेट्रोल आणि डिझेलच्या दरात आणखी वाढ झाली आहे. मार्चच्या पहिल्या आठवड्यात कच्या तेलाचा दर कमी होता म्हणून पेट्रोल आणि डिझेलचा दर कमी होता. पेट्रोल – डिझेलसारख्या गोष्टी जीएसटीच्या अंतर्गत येणे आवश्यक आहे.

पेट्रोल, डिझेल जर जीएसटीच्या अंतर्गत आल्यास त्यावर टॅक्स 28 टक्के असणार आहे. जरी पेट्रोल – डिझेलवर अधिक टॅक्स लावले तरी तुम्हाला 33.37 वर 9.34 रुपये जीएसटी देणे गरजेचे आहे. जीएसटी आणि पेट्रोलची किंमत मिळून जवळपास 43 रुपये होईल. त्यांनी सांगितले की, राज्यातील विकास योजना चालवण्यासाठी महसूल हा सर्वात मोठा हिस्सा आहे. म्हणून आतापर्यंत राज्यांमध्ये पेट्रोल – डिझेल यांच्यावर जीएसटीकरिता सहमती मिळालेली नाही.