थंडीमुळे सलग दुसर्‍या आठवड्यात आवक घटली

पुणे । थंडीमुळे सलग दुसर्‍या आठवड्यात मार्केट यार्डात भाज्यांची आवक कमी झाली आहे. त्यामुळे टोमॅटो, कोबी, शेवगा, गाजर, बीट, घेवडा आणि तांबळा भोपळा वगळता सर्व भाज्यांच्या भावात सुमारे 20 टक्क्यांनी वाढ झाली आहे. टोमॅटो, कोबी, शेवगा, गाजर, बीट, घेवडा आणि तांबळा भोपळाचे भाव गेल्या आठवड्याच्या तुलनेत स्थिर असून, पुढील आणखी काही दिवस भाज्यांची आवक कमीच राहणार असल्याचा अंदाज व्यापारी विलास भुजबळ यांनी वर्तविला आहे. रविवारी गुलटेकडी येथील श्री छत्रपती शिवाजी मार्केट यार्डात सुमारे 160 ट्रक शेतमालाची आवक झाली.

परराज्यातून बेंगलोर येथून तीन टेम्पो आले, मध्यप्रदेश मधून 17 ते 18 ट्रक मटार, कर्नाटक आणि गुजरात येथून तीन ते चार ट्रक कोबी, आंध्र प्रदेश, कर्नाटक आणि गुजरात येथून 10 ते 12 टेम्पो हिरवी मिरची, आंध्रप्रदेश आणि तामिळनाडू येथून 3 ते 4 टेम्पो शेवगा, राजस्थान येथून 12 ट्रक गाजर, मध्यप्रदेश आणि गुजरात येथून लसणाची तीन हजार गोणी इतकी आवक झाली. स्थानिक विभागातून सातारी आले 2200 पोती, टॉमेटोची पाच ते साडे पाच हजार पेटी, हिरवी मिरचीची 3 टेम्पो, फ्लॉवरची 14 ते 15 टेम्पो, काकडी 6 ते 7 टेम्पो, कोबीची 18 ते 20 टेम्पो, ढोबळी मिरचीची 8 ते 10 टेम्पो, पावटा 7 ते 8 टेम्पो, वांगी 4 ते 5 टेम्पो, तांबडा भोपळाची 8 ते 10 टेम्पो, गवारची 5 ते 6 टेम्पो, नवीन कांद्याची 70 ते 75 ट्रक, जुन्या कांद्याची 2 ट्रक, आग्रा, इंदौर, गुजरात आणि तळेगाव येथून मिळून बटाट्याची 65 ट्रक इतकी आवक झाली.

खरबूज, डाळींब, अननस, लिंबे महागली
मागणीच्या तुलनेत आवक घटल्याने खरबूज, डाळींब तसेच अननसच्या दरात 10 ते 20 टक्क्यांनी वाढ झाली आहे. तर, आवक जावक कायम असल्याने सफरचंद, कलिंगड, पपईचे दर स्थिर असल्याची माहिती व्यापार्यांनी दिली. दरम्यान, नववर्षाच्या स्वागतासाठी मांसाहाराला मोठ्या प्रमाणात पसंती मिळत असल्याने लिंबाला मागणी वाढली आहे. परिणामी, लिंबाच्या दरात गोणीमागे 30 ते 50 रुपयांची भाव वाढ झाल्याचे व्यापार्‍यांनी नमूद केले. रविवारी येथील फळबाजारात अननस सहा ट्रक, मोसंबी 50 टन, संत्री दोन टन, डाळिंब 30 ते 40 टन, पपई 20 ते 25 टेम्पोे, लिंबाची तीन ते चार हजार गोणी, चिकू एक हजार डाग, पेरु 700 ते 800 क्रेटस्, कलिंगड 15 ते 20 टेम्पो, खरबुज पाच ते सहा टेम्पो, सफरचंद चार ते पाच हजार पेटी, बोरे साडे अडीच हजार गोणी, द्राक्षे 10 टन तर स्ट्रॉबेरी पाच टन इतकी आवक झाल्याचे व्यापार्यांनी सांगितले.

फळांचे दर पुढीलप्रमाणे
लिंबे (प्रति गोणी) : 150-200, अननस (डझन) : 70-280, मोसंबी : (3 डझन) : 90-400, (4 डझन ) : 30-240, संत्रा : ( 3 डझन) 200-300, (4 डझन) : 100-200, डाळिंब (प्रति किलोस) : भगवा : 20-80, गणेश 10-30, आरक्ता 15-40. कलिंगड : 05-10, खरबुज : 10-30, पपई : 05-15, चिक्कू : 100-500, पेरू (20 किलो) : 300-600, सफरचंद : सिमला 25 किलो) : 1200-1800, काश्मीर डेलीशियस (15 किलो) 700-1200, किन्नोर : ( 25 किलो) 2000-2500, अमेरिकन डेलीशियस : (15 किलो) 1000-1400, महाराजा
(15 किलो) : 600-700. बोरे : चेकनट (10 किलो) 280-300, चण्यामण्या : 350-370, चमेली : 80-110, उमराण : 35-50, द्राक्षे : तासगणेश (15 किलो) 600-900, सुपर सोनाका (15 किलो) : 800-1500, जम्बो (10 किलो) : 600-1100, शरद (10 किलो) : 400-900, सोनाका (15 किलो) : 700-1100, सरिता (10 किलो) : 1000-1300, स्ट्रॉबेरी 140-250.

फळभाज्यांचे दहा किलोचे भाव
कांदा : नवा : 300-370, जुना : 350-450, बटाटा : 70-110, लसूण : 150-350, आले : सातारी: 180-230, बेंगलोर: 240-260, भेंडी : 300-350, गवार : गावरान व सुरती 400-500, टोमॅटो : 60-100, दोडका : 300-400, हिरवी मिरची : 400-450, दुधी भोपळा : 200-250, चवळी : 150-200, काकडी : 120-150, कारली : हिरवी 350, पांढरी : 250, पापडी : 140-160, पडवळ : 180-200, फ्लॉवर : 160-180, कोबी : 60-100, वांगी : 250-350, डिंगरी : 150-200, नवलकोल : 80-100, ढोबळी मिरची :300-350, तोंडली : कळी 300-320, जाड : 100-120, शेवगा : 500-600, गाजर : 140-160, वालवर : 200-220, बीट : 80-120, घेवडा : 350-400, कोहळा : 100-150, आर्वी : 200-250, घोसावळे : 140-160, ढेमसे : 180-200, भुईमूग : 350, पावटा : 300-400, मटार : परराज्य : 280-300, स्थानिक : 350, तांबडा भोपळा : 100-140, सुरण : 280-300, मका कणीस : 50-80, नारळ (शेकडा) : 1000-1600.

पालेभाज्यांचे उतरलेले भाव कायम
पालेभाज्या स्थिर मागणी आणि पुरवठा यातील समतोलामुळे पालेभाज्यांचे उतरलेले भाव कायम आहेत. बाजारात गेल्या आठवड्याच्या तुलनेत कोथिंबिरीची आवक वाढली आहे. तरीही मागणी जास्त असल्याने कोथिंबिरीचे भाव स्थिर आहेत. घाऊक बाजारात कोथिंबिर आणि मेथीच्या जुडीला 3 ते 6 रुपये भाव मिळत आहे. दोन्ही पालेभाज्यांच्या जुडीसाठी किरकोळ बाजारात 10 रुपये मोजावे लागत आहेत. रविवारी येथील मार्केट यार्डात सुमारे 2 लाख जुडी कोथिंबिर, तर 80 हजार जुडी मेथीची आवक झाली. आवक आणि पुरवठा यातील समतोलामुळे सर्व पालेभाज्यांचे भाव स्थिर असल्याचे यावेळी सांगण्यात आले.

पालेभाज्यांचे भाव (शेकडा जुडी)
कोथिंबीर : 300-600, मेथी : 300-600, शेपू : 300-500, कांदापात : 800-1200, चाकवत : 400-500, करडई : 400-500, पुदिना : 200-400, अंबाडी :500-600, मुळे : 800-1200, राजगिरा : 400-500, चुका : 700-800, चवळई : 500-700, पालक : 400-500, हरभरा गड्डी : 400-600.

नविन वर्षानिमित्त मटण मासळीला मागणी
नवीन वर्षाच्या स्वागतासाठी आयोजित करण्यात आलेल्या पार्ट्यांमुळे मटण, मासळी आणि चिकनच्या मागणीत तब्बल तीस टक्क्यांनी वाढ झाली आहे. हॉटेल, खानावळ, केटरींग व्यावसायिकांकडून ही मागणी वाढली असल्याचे व्यापाजयांनी सांगितले़ रविवारी खोल समुद्रातील मासळी 12 ते 14 टन, खाडीची मासळी 300 ते 400 किलो आणि नदीतील मासळीची 700 ते 800 किलो इतकी तर आंध्रप्रदेशातुन रहु, कतला आणि सीलन या मासळीची 12 ते 14 टन इतकी आवक झाली आहे़ थर्टीफर्स्ट रविवारी आल्याने नववर्षाच्या स्वागतासाठी पार्ट्यांच्या आयोजनाचे प्रमाण वाढले आहे. त्यामुळे मांसाहारी पदार्थांची मागणी वाढणार हे लक्षात घेऊन हॉटेल, केटरींग आणि खानावळ व्यावसायिकांकडून शनिवारी मोठ्या प्रमाणात खरेदी झाली होती.

रविवारी देखील ही मागणी टिकून राहिली. रविवारी प्रामुख्याने घरगुती ग्राहकांनी मोठ्या प्रमाणात खरेदीसाठी केली़ थंडी वाढल्याने मांसाहारी पदार्थांची मागणी ही वाढलेली होती, त्यातच रविवारीच 31 डिसेंबर असल्याने मागणी वाढेल हे लक्षात घेत व्यापाजयांनी देखील पुर्व तयारी केली होती. या आठवड्यात चिकनच्या भावांत वाढ होण्याची शक्यता व्यक्त केली जात होती. परंतु, भावांत विशेष बदल झाला नाही. पुरवठाही चांगला असुन, इंग्लिश अंड्याच्या प्रति शेकड्याच्या भावांत तीस रुपयांनी वाढ झाली. गेल्या आठवड्यात घट झाली होती. गावरान अंड्याच्या भाव मात्र स्थिर होते़ मासळीला गेल्या दोन दिवसांत मागणी चांगली आहे. रविवारी मात्र बाजारात नियमित ग्राहक होता. पार्ट्यांसाठी दोन दिवस आधीच खरेदी झाल्याने तुलनेत रविवारी बाजारातील मागणी नियमित होती.

भाव (प्रतिकिलो)
पापलेट कापरी : 1400 मोठे : 1400 मध्यम : 900 लहान : 750-800 भिला : 550 हलवा : 480-550 सुरमई : 400-480 रावस लहान : 480 मोठा : 650 घोळ : 520 करली : 280 करंदी ( सोललेली ) : 240 भिंग : 240 पाला : 700 -1200 वाम : पिवळी 480 काळी : 280 ओले बोंबील : 100-120कोळंबी लहान : 400 मोठी : 480 जंबोप्रॉन्स : 1500 किंगप्रॉन्स : 800 लॉबस्टर : 1500 मोरी : 280 मांदेली : 100 राणीमासा : 160 खेकडे : 200 चिंबोजया : 480
खाडीची मासळी ः सौंदाळे : 240 खापी : 240 नगली : 360 तांबोशी : 320 पालू : 240 लेपा : 120 -200 शेवटे : 160-240 बांगडा : 120-160 पेडवी : 50 बेळुंजी : 100 तिसजया : 180
खुबे : 120 तारली : 100 नदीची मासळी रहू : 150 कतला : 180 मरळ : 480 शिवडा : 160 चिलापी : 60 मांगूर : 140 खवली : 180 आम्ळी : 60 खेकडे : 160 वाम : 480
मटण : बोकडाचे : 440 बोल्हाईचे : 440 खिमा : 440 कलेजी : 480 चिकन चिकन : 150 लेगपीस : 180 जिवंत कोंबडी : 120 बोनलेस : 260
अंडी गावरान शेकडा : 780 डझन : 108 प्रति नग : 9 इंग्लिश शेकडा : 400 डझन : 60 प्रतिनग : 5