दारुसाठी पैसे न दिल्याने दोघांवर वार

पिंपरी : दारु पिण्यास पैसे दिले नाहीत याचा राग मनात धरून दोघांनी इतर दोन तरुणावर लोखंडी कोयत्याने वार केले आहेत. ही घटना शनिवारी (दि.25) रात्री साडेनऊ वाजता घडली. ओमकार बाळू सरोदे व सागर खळगे (दोघे रा. काळेवाडी) यांच्या विरोधात वाकड पोलीस ठाण्यात गुन्हा दाखल झाला आहे.

पोलिसांनी दिलेल्या माहितीनुसार, आरोपींनी सचिन बनपट्टे याला दारुसाठी पैसे मागितले होते. मात्र त्याने नकार दिल्याने त्याच्यावर कोयत्याने वार केले. यावेळी सचिन यांना वाचविण्यासाठी गेला असता पुढे आलेला त्याचा भाऊ …याच्यावरही वार केले. यामध्ये सचिनच्या डाव्या कानाच्यावर, तर …हातावर वार करण्यात आले आहेत. तसेच या भांडणात इतर इसमांनाही आरोपीने जखमी केले आहे. वाकड पोलीस ठाण्यात गुन्हा दाखल केला आहे. पोलीस उपनिरीक्षक मोहन जाधव अधिक तपास करत आहेत.