दुचाकी अपघात ; लोहार्‍याचा जखमीचा मृत्यू

यावल- तालुक्यातील किनगाव-ईचखेडा गावादरम्यान सोमवारी दुचाकींची समोरासमोर धडक होवून त्यात तीन जण जखमी झाले होते. जखमींवर जिल्हा सामान्य रुग्णालयात उपचार सुरू असताना शुभम धनराज शिंदे-पाटील (19, रा.लोहारा, ता.पाचोरा) असे आहे तर इतर दोघांची प्रकृती देखील गंभीर असून त्यातील एकाला औरंगाबाद येथे हलवण्यात आले. किनगाव ते ईचखेडा रस्त्यावर सोमवारी 11 वाजेच्या सुमारास किनगाव येथील शुभम पाटील (20) हा दुचाकी क्रमांक (एम.एच.19 ए.एल.3283) व्दारे ईचखेड्याकडे जात होता तर इम्रान अरमान तडवी (30) व मुकद्दर कलिंदर तडवी (रा.ईचखेडा) हे दुचाकी (एम. एच. 19 ए. झेड. 6786) व्दारे किनगावकडे येत होते. दरम्यान दोघांची समोरा-समोर जबर धडक झाली. जखमींना 108 द्वारे जिल्हा सामान्य रुग्णालयात हलवण्यात आले. त्यातील इमरान अरमान तडवी याची प्रकृती अधिकच खालावल्याने त्याला रात्री उशिरा औरंगाबाद येथे उपचारार्थ हलवण्यात आले. शुभम धनराज शिंदे पाटील (19) याचा रात्री उशिरा उपचारादरम्यान मृत्यू झाला. त्याच्यावर मूळ गावी लोहारा, ता.पाचोरा येथे दुपारी अंत्यविधी करण्यात आला. शुभम हा किनगाव येथे आपल्या मामाकडे राहायला आला होता व मामाच्या शेतामध्ये दुचाकी घेऊन निघाला असतानाच अपघात घडला.